Naim Murseli, këshilltar i zëvendëskryeministrit dhe ministrit të Punëve të Jashtme, Behgjet Pacolli i ka quajtur legena të gjithë deputetët e Kuvendit të Kosovës që dje kanë kërkuar shkarkimin e shefit të tij nga posti i ministrit.
Ai ka thënë se disa prej deputetëve që kanë kërkuar shkarkimin Pacolli nuk i kanë sjellur Kosovës asgjë përveç korrupsionit si dhe kanë shikuar vetëm interesin e tyre të xhepit.
“Disa deputetë, legena, dje në Parlamentin e Kosovës kërkonin llogari për ”dështimet” e Ministrit Behgjet Pacolli. Disa prej tyre edhe shkarkimin e tij. Po në atë sallë të kuvendit e cila madje është rinovuar nga protagonisti në fjalë. Disa deputetë të cilët kurrë diçka nuk i kanë sjellur Kosovës përveç korrupsion. Deputetë të cilët kanë votuar çfarë do, në interes të xhepit të tyre”.
“Sa i kushtojnë këta njerëz qytetarëve të Kosovës? Çfarë kanë bërë për qytetarët e Kosovës? Dhe si kanë bërë miliona me një pagë të deputetit? Gjithkush duhet të shikoj veten së pari, pastaj të tjerët”, ka shkruar Murseli në Facebook.