Ish-kryetari i Skenderajt, Sami Lushtaku dhe presidenti i Kosovës, Hashim Thaçi, kanë zgjedhur ketë të shtune që të vizitojnë familjen e kryeparlamentarit Kadri Veseli.
Është Lushtaku, ai i cili përmes një postimi në Facebook, ka njoftuar për vizitën e realizuar te Veseli.
Ai përveç njoftimit, ka shpërndarë edhe një fotografi së bashku me babain kryetarit të Kuvendit. Ish-kryetari ka disa fjalë për moshuarin e Veselve.
“Gjatë viteve të ilegales, shumë familje na mbajtën me bukë e na strehuan sikurse të ishim anëtarë të familjes së tyre. Njëri nga ta është haxhi Fazli Veseli, babi i kryeparlamentarit Kadri Veseli”, ka shkruar ndër tjerash Lushtaku në Facebook.
Ja shkrimi i tij:
“Gjatë viteve të ilegales, shumë familje na mbajtën me bukë e na strehuan sikurse të ishim anëtarë të familjes së tyre. Njëri nga ta është haxhi Fazli Veseli, babi i kryeparlamentarit Kadri Veseli. Së bashku me presidentin Hashim Thaçi, vizituam bacën Fazli, një burrë patriot që ndonëse në moshë të shtyer, qendron i fortë fizikisht. Ai ende na këshillon që të vazhdojmë rrugën për zhvillimin e vendit, për të cilin kanë sakrifikuar shumë breza”, shkruan Lushtaku në Facebook.
