Presidenti Thaçi sot ka udhëtuar për në Amerikë, gjatë kësaj kohe ai do të takohet me disa personalitete ndër të tjera edhe me këshilltarin e presidentit Trump, John Bolton. I cili kundërshtonte pavarësinë e Kosovës. Po ashtu Bolton përkrahë edhe ndryshimin e kufijve mes Kosovës dhe Serbisë.
Deklarata e këshilltarit të presidentit amerikan John Bolton se SHBA-ja nuk kundërshton korrigjimin territorial nëse rreth tij merren vesh Beogradi e Prishtina, shfaqi edhe njëherë qëndrimin e tij për Kosovën.
Pikërisht me këte figurë të rëndësishme të Shtëpisë së Bardhë, presidenti Hashim Thaçi do të takohet në SHBA.
Kështu konfirmon njoftimi i Presidencës dërguar mediave.
“Vizita e presidentit Thaçi në Uashington vjen në një periudhë të rëndësishme për vendin, ku Kosova është duke bërë përpjekje për konkretizimin e perspektivës euroatlantike dhe arritjen e marrëveshjes përfundimtare me Serbinë, e cila duhet të rezultojë me njohjen reciproke dhe anëtarësimin e Kosovës në OKB”, thuhet në njoftimin e tyre.
Më poshtë pjesë nga agjenda e Thaçit në Amerikë:
Në Shtëpinë e Bardhë, presidenti Thaçi do të zhvillojë një takim me John Bolton, Këshilltar për Siguri Kombëtare i Presidentit të SHBA-së, Donald Trump. Po ashtu, do të takohet edhe me Sekretarin e Departamentit të Shtetit, Mike Pompeo.
Në këto takime, presidenti Thaçi do të bisedojë për marrëdhëniet bilaterale ndërmjet dy shteteve, për perspektivën euroatlantike të Kosovës dhe për arritjen e një marrëveshjeje gjithëpërfshirëse dhe ligjërisht obliguese ndërmjet Kosovës dhe Serbisë, e cila i siguron Kosovës njohje nga Serbia dhe i hap rrugë për anëtarësim në BE, NATO dhe OKB.
Presidenti Thaçi do të ketë takime të shumta edhe me kongresistë dhe senatorë amerikanë, të cilët në dy dekadat e fundit e kanë mbështetur Kosovën.
Po ashtu, presidenti Thaçi në Dallas do të ketë një takim të veçantë edhe me ish-presidentin e SHBA-së, George Ë. Bush, si dhe me komunitetin shqiptaro-amerikanë atje.
Vlen të ceket se John Bolton e përkrahë edhe idenë për ndryshim e korrigjim kufijsh nga Kievi i Ukrainës.