(E plotësuar) - Taksa 100% e vendosur nga Qeveria e Kosovës për produktet e Serbisë dhe Bosnje e Hercegovinës si dhe “vendimet diskiriminuese” të Kosovës ndaj popullatës serbe, janë nga arsyet e renditura për dorëheqjet e katër kryetarëve të komunave veriore.
Po ashtu ndër arsyet për dorëheqjet e kryetarëve të Mitrovicës së Veriut, Zubin-Potokut, Leposaviqit dhe Zveçanit, është thënë se është edhe “tentim vrasja” e të shumë kërkuarit Milan Radoiçiqit.
Dejcan Gureshic, kryesues i kuvendit komunal të mitrovicës së veriut pas seancës së jashtëzakonshme, sot para mediave tha se pushojnë të gjitha lidhjet me institucionet shqiptare.
***
Goran Rakiq, kryetari i Listës Serbe ka konfirmuar dorëheqjet e katër kryetarëve të komunave veriore, Mitrovicë e Veriut, Zubin-Potok, Leposaviq dhe Zveçan.
Rakiq ka konfirmuar këtë në një seancë të jashtëzakonshme qe serbët po mbajnë në këto momente në veriun e Mitrovicës.
Kujtojmë se serbët gjatë ditës së sotme do të mbajnë përsëri protestë për të kundërshtuar këtë taksë, e cila u kritikua edhe nga Bashkimi Evropian dhe Departamenti Amerikan i Shtetit.
***
Kanë dhënë dorëheqje katër kryetarët e komunave veriore, Mitrovicë e Veriut, Zubin-Potok, Leposaviq dhe Zveçan.
Media ka mësuar se kjo vjen pas tensioneve të shtuara së fundi lidhur me taksën 100% të vendosur nga Qeveria e Kosovës për produktet nga Serbia dhe Bosnja e Hercegovina.
Kujtojmë se serbët gjatë ditës së sotme do të mbajnë përsëri protestë për të kundërshtuar këtë taksë, e cila u kritikua edhe nga Bashkimi Evropian dhe Departamenti Amerikan i Shtetit.