(E plotësuar) - Sot, aktivistë të Lëvizjes VETËVENDOSJE! nga të gjitha qytetet e Kosovës, por jo vetëm, bënë homazhe dhe vendosën lule të freskëta te varrezat e Jasharajve. Në nder të familjes Jashari dhe të të gjithë dëshmorëve të rënë për çlirimin dhe bashkimin e shqiptarëve.
28 nëntori është një ditë më e madhe se Republika e Shqipërisë dhe ajo e Kosovës. Kjo datë i jep drejtim historisë, politikës dhe të ardhmes tonë.
"28 Nëntori është dita thelbësore e identitetit kombëtar dhe historisë së shqiptarëve. Nga Skënderbeu në Krujë tek Ismail Qemali në Vlorë tek Adem Jashari në Prekaz, kujtojmë ngjarjet e lavdishme dhe njerëzit e mëdhenj me ndjenjën e përbashkët të krenarisë dhe përgjegjësisë tash kur amaneti i tyre na e ndriçon rrugën përpara. Të gjithë shqiptarëve, urime dhe gëzuar 28 nëntori i flamurit, i pavarësisë dhe i UÇK-së", u shpreh Kryetari i Lëvizjes Albin Kurti.
***
Aktivistë të Lëvizjes Vetëvendosje nga të gjitha qytetet e Kosovës, por jo vetëm, bënë homazhe dhe vendosën lule të freskëta te varrezat e Jasharajve me rastin e shënimit të 106 vjetorit të pavarësisë së Shqipërisë.
Kjo u bë në nder të familjes Jashari dhe të të gjithë dëshmorëve të rënë për çlirimin dhe bashkimin e shqiptarëve.
