I ftuar në emisionin Argument Plus ishte deputeti Xhavit Haliti.
Nënkryetari i Kuvendit të Kosovës foli edhe për takimet që i ka me delegacione serbe nëpër samite të ndryshme.
Ai tregoi se në njërën nga këto takime, një pjesëtar i delegacionit serb i kishte thënë Halitit se ata po mbështesin fuqishëm liberalizimin e vizave për Kosovën, pasi sipas tyre atëherë do të iknin gjysma e popullatës nga Kosova, e pastaj Serbia do ta kishte më lehtë të merrej me gjysmën e popullatës së mbetur në Kosovë.
Duke përmendur Preshevën, Medvegjën e Bujanocin, Haliti shtoi se të gjithë e dimë se ata janë shqiptarë historikisht, mirëpo dihet edhe vizioni evropian, që kërkon një Evropë të bashkuar pa ndryshuar kufij.
