Ish-deputeti i Kosovës, Driton Tali ka folur edhe njëherë për ndarjen e Kosovës dhe bashkimin e Kosovës Lindore.
Tali, përmes një postimi në Facebook, thotë se, presidenti i Kosovës, Hashim Thaçi idenë për ndarjen e Kosovës e ka hedhur në opinion para se të takohet me udhëheqësit e Kosovës Lindore.
Tali pohon se, Thaçi po i keqpërdorë liderët e Kosovës Lindore për interesa të tij, ashtu siç i ka keqpërdorur të gjithë të tjerët.
Më poshtë shkrimi i plotë i Driton Talit:
Ndarja e Kosovës dhe bashkimi Luginës.
Sa me sqaru edhe njëherë:
Hashimi Thaçi ndarjen e Kosovës e hodhi në opinion në shkurt të këtij viti.
E intesifikoi në maj.
Për herë të parë delegacionin e udhëheqësve politik të Luginës e takoi ka fundi (26) i korrikut.
Pra, Thaçi planin për ndarjen e Kosovës e ka inicuar shumë kohë para se ta takon delegacionin e udhëheqësve politik të Luginës.
Andaj, Thaçi s'bashku me argatët e tij rrejnë kur thonë se këtë ide e ka nisur pas takimit me liderët e Luginës të cilët kërkuan nga ai që në negociata me Serbinë ta fut bashkimin e Luginës me Kosovën.
Pra i keqpërdorë ata për interesa të tij, ashtu siç i ka keqpërdorur të gjithë të tjerët.
