Ish komandanti i UÇK-së ftohet me 14 janar në Gjykatën Speciale

Aktuale

Ish komandanti i UÇK-së ftohet me 14 janar në Gjykatën Speciale

Nga: D.RR Më: 6 dhjetor 2018 Në ora: 20:27
Gjykata Speciale

Avokati Arianit Koci, ka njoftuar se klienti i tij, ish komandat i UÇK-së në zonën operative të Llapit, Rrustem Mustafa – Remi, ka pranuar një ftesë që me datën 14 janar 2019, të paraqitet pranë Zyrës së Prokurorit të Specializuar të Kosovës (ZPS) në Hagë.  Kjo është ftesë për intervistim, përcjellë “Bota sot”.

Sipas Kocit, ish komandanti do të paraqitet vullnetarisht dhe është i gatshëm të sqarojë çdo rrethanë të cilën ZPS është duke e hetuar.

Komunikata e plotë:

Komunikatë për media

Me autorizimin e klientit tim z. Rrustem Mustafa, ju njoftoj se z. Mustafa ka pranuar një ftesë që me datën 14 janar 2019, të paraqitet pranë Zyrës së Prokurorit të Specializuar të Kosovës (ZPS) në Hagë. 
Kjo është ftesë për intervistim.

Z. Mustafa do të paraqitet vullnetarisht dhe është i gatshëm të sqarojë çdo rrethanë të cilën ZPS është duke e hetuar.

Kjo është e gjitha për çfarë kemi njohuri tani për tani, dhe me mirësjellje kërkoj nga gazetarët që të mos e kontaktojnë z. Mustafa rreth kësaj çështjeje.

Image
Rrustem Mustafa
commentFirst article
Sot mund të lexoni Shfletoni kopertinat