Drejtori ekzekutiv i Institutit të Kosovës për Drejtësi Ehat Miftaraj, ka komentuar ftesën për intervistim nga Prokurori i Specialuar ndaj ish-komandantit të UÇK-së, Rrustem Mustafa-Remi.
Miftaraj në një postim në Facebook, ka thënë se ftesa për intervistim nga Gjykata Speciale mund të ndodhë në dy situata, në cilësinë e të dyshuarit apo të dëshmitarit.
Ai ka theksuar se komandant Remi duhet të sqarojë se cilën cilësi është ftuar nga Prokurori.
“Ftesa për intervistim nga Prokurori i Specializuar mund të ndodh në dy situata. Kur dikush ftohet, në cilesinë e të dyshuarit apo të dëshmitarit! I dyshuar dhe dëshmitar ka dallim të madh. Tash Komandant Remi duhet të sqarojë këtë dilemë”, ka shkruar Mitfaraj në Facebook.
Ndryshe, lajmin për pranimin e ftesës së Mustafës nga Gjykata Speciale më 14 janar 2019, e ka konfirmuar mbrëmë vet avokati i tij, Arianit Koci./BS