Lideri i Vetëvendosjes, Albin Kurti e ka komentuar ftesën që i është bërë Rrustem Mustafës-Remit në Gjykatën Speciale. Kurti në një emision në RTV21 ka thënë se tashmë po kuptohet se pse partia e tij ishte kundër kësaj gjykate që nga fillimi”
“Gjykata Speciale është padrejtësi e pashembullt ndaj një populli e lufte çlirimtare. Kur u miratua kjo Gjykatë, VV ishte kundër dhe jemi kundër edhe sot. Unë besoj që qytetarët por edhe politikanët po e kuptojnë se sa me të drejt Vetëvendosja ishte kundër kësaj gjykate. Mendoj se duhet ta shohim saktësisht se çfarë është kjo ftesë.
Ne ende nuk e dimë se komandant Remi me 14 janar me çfarë cilësie po shkon. Prandaj është dëm i madh të flasim për ato çfarë dëgjojmë. Për bindjen time, ka mundësi që Gjykata Speciale të duket vetëm si potencialitet, e jo të ketë efekt” ka thënë Kurti.