Pacolli: Shpend Ahmeti ka nisur ta përvetësoj lojën e tij të manipulimit - Bota Sot
Pacolli: Shpend Ahmeti ka nisur ta përvetësoj lojën e tij të manipulimit

Aktuale

Pacolli: Shpend Ahmeti ka nisur ta përvetësoj lojën e tij të manipulimit

Nga: N.A Më: 8 dhjetor 2018 Në ora: 17:54
Deputetja e Lëvizjes Vetëvendosje, Fitore Pacolli

Deputetja e Lëvizjes Vetëvendosje, Fitore Pacolli përmes një postimi në facebook I është kundërpergjigjur Shpend Ahmetit , lidhur me një rast ku ky i fundit e kishte akuzuar Pacollin për manipulime në kohën sa ka qene shefe e kabinetit të komunës së Prishtinës.

Pacolli ka thënë se rasti I Fatime Zogijanit është pre e manipulimeve të Shpendit.

Tutje, Pacolli ka shtuar se Kjo është social demokracia e Shpendit! Dhe kjo është për të ardhur keq, me nivelin, të cilin veçse ka rënë..

Më poshtë mund të lexoni statusin e plotë:

SHPENDI KA NISUR TA PËRVETËSOJ LOJËN E TIJ TË MANIPULIMIT

Më treguan disa miq që dje në emisionin DPT në T7 se Shpendi paska thënë që unë e paskam thirrë Kuzhinën Qendrore për t'i pyetur nëse Shpendi po i pengon apo s'po i plotëson kërkesat e punëtorëve.

Mua më vjen shumë keq që kryekuzhinjerja Fatime Zogiani paska rënë pre e manipulimeve të Shpendit. E vërteta është se Fatimja më ka telefonuar dje në viber diku në ora 16. Ajo kërkoi që ta bëja një reagim ngase Shpendi ka premtuar rregullimin e kontratave të punëtorëve të kuzhinës, por tani po e shtyn duke iu thënë që kjo punë bëhet në janar apo shkurt. Asaj i përgjigjem se po do ta bëj reagimin. Edhe pse nuk jam më në Komunën e Prishtinës do të jem zëri i juaj ashtu siç isha gjatë kohës kur isha Shefe e Kabinetit.

Unë kam pranuar shumë thirrje të Fatimës dhe të punëtorëve të tjerë por kjo paska qenë më ndryshe! Aq sa e njoh Fatimën jam shumë e bindur se kjo thirrje e saj nuk është bërë me vullnetin e lirë të saj por ajo është detyruar nga Shpendi që ky të ketë se ç'farë të thotë në emision. Ndërsa, Fatimja, e frikësuar se do të humb vendin e punës, detyrohet të luaj lojën e tij. Kontrata e saj dhe e 50 punëtorëve të tjerë të Kuzhinës Qendrore janë të llojit siç njihen "kontratë mbi vepër" dhe varen plotësisht nga vullneti i Shpendit. Shpendi po manipulon dhe detyron të gjithë ata, puna e të cilëve varet nga ai. Kjo është social demokracia e Shpendit! Dhe kjo është për të ardhur keq, me nivelin, të cilin veçse ka rënë...

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test