Kreu i Lëvizjes Vetëvendosje njofton se partisë së tij i është bashkuar gazetari Sabit Istogu, përcjell "Bota sot".
Albin Kurti ka folur për kontributin dhe angazhimin e Istogut.
"Istogu jeton në Skënderaj dhe me prejardhje është nga fshati Palluzhë. Angazhimi dhe kontributi i tij në paqe e në luftë është i mirënjohur jo vetëm në Drenicë por edhe në mbarë Kosovën e më gjerë", shkruan Kurti.
Ja postimi i plotë i Kurtit:
Sot, në Lëvizjen VETËVENDOSJE! na u bashkua z.Sabit Istogu, gazetar i luftës çlirimtare, reporter nga Drenica për TVSh dhe Deutsche Welle, publicist, punëtor i Rilindjes, Bujkut dhe RTK-së. Z.Istogu jeton në Skënderaj dhe me prejardhje është nga fshati Palluzhë. Angazhimi dhe kontributi i tij në paqe e në luftë është i mirënjohur jo vetëm në Drenicë por edhe në mbarë Kosovën e më gjerë. Jemi të nderuar e të gëzuar që në mesin tonë e në radhët tona e kemi Bacën Sabit.