Kusari demanton ndarjen nga Deda: Alternativa është më e fortë se dje!

Aktuale

Kusari demanton ndarjen nga Deda: Alternativa është më e fortë se dje!

Më: 12 dhjetor 2018 Në ora: 16:52
Mimoza Kusari dhe Ilir Deda

Kryetarja e Alternativës, Mimoza Kusari, ka shkruar në Facebook, një ditë pasi u raportua se ka mosmarrëveshje mes saj dhe bashkëthemeluesit të partisë, Ilir Dedës, rreth çështjes së dialogut.

Kusari e ka konfirmuar që në partinë e saj mbajnë qëndrime të ndryshme. Mirëpo, ajo thotë se dallimi në mendim nuk është fundi i subjektit të saj, por ‘vlerë që e kultivojnë’.

“Demokraci do të thotë liri e mendimit, fjalës dhe veprimeve të lirë konform ligjeve në fuqi. Sot dua të ju komunikojë se #Alternativa është më e fortë se dje dhe më e dobët se nesër. Se mund të dallojmë në zgjidhjet për çështje të caktuara në mes nesh, nuk do të thotë se nuk i ndajmë vlerat dhe parimet e njejta. Nëse njerzit dallimin e mendimeve e marrin si fund të një subjekti, ne e marrim si vlerë dhe e kultivojmë atë. Më shumë mendime, më shumë ide dhe më shumë zgjidhje kreative. Për atë edhe quhemi #Alternativa #Kosova #MundësitëEReja #newchallengesnewideas”, ka shkruar Kusari.

commentFirst article
Sot mund të lexoni Shfletoni kopertinat