Publicisti Xhevat Rexhaj, ka publikuar fotografitë e aktivistëve dhe intelektualëve të vrarë pas lufte në Kosovë.
Ai ka thënë se të gjithë këto personalitete, të “likuiduara nga bandat”, ishin Ushtria e Republikës së Kosovës dhe themel i shtetit tonë, përcjell Bota sot.
Rexhaj ka theksuar se ushtria e Kosovës u themelua me Kushtetutën e Kaçanikut, ndërsa sot, sipas tij, Amerika po e formalizon këtë.
“Rrnoftë Republika e Kosovës, u forcoftë ushtria e ju huptë fara kriminelëve dhe zhvatësve të shtetit”, ka shkruar ai ndër të tjerash.
Postimi i plotë i Rexhajt:
Të gjithë këta ishin Ushtria e R. së Kosovës. Të gjithë këta mbetën themelet e shtetit, mjerisht të likuiduar (sipas shumë dëshmive e shkrimeve nga shumë akterë tëkohës) nga bandat.......
Sa për mua ushtria e Kosovës ishte themeluar me Kushtetutën e Kaçanikut, sot Amerika po e formalizon ashtu si na çliroi e maroi shtet.
Rrnoftë Republika e Kosovës, u forcoftë ushtria e ju huptë fara kriminelëve e zhvatësve të shtetit që sot janë milionera e gangstera në institucione, duke shkelë e përdhos gjakun e 12 000 të vrarëve për liri./BS