Viti 2018 e ka konsoliduar shtetësinë tonë, tre vendimet e fundit kanë qenë jetike për rrubullaksimin e pavarësisë sonë. Përmes këtyre janë pjekur kushtet, që t’i japin mundësin Kosovës që të arrij atë që i ka munguar që dhjetë vite, njohjen reciproke ndërmjet Kosovës dhe Serbisë.
Kështu ka thënë kryetari i AAK-së dhe njëkohësisht kryeministri i Kosovës, Ramush Haradinaj, në takimin përmbyllës të fundvitit që ka organizuar Aleanca për Ardhmërinë e Kosovës (AAK).
Haradinaj, u shpreh se gjërat tani më kanë ndryshuar për Kosovën, sipas tij nëse para një viti ka pas njerëz që kanë menduar që pavarësia e Kosovës nuk do të jetësohet, sot është më ndryshe, pasi ky vit po përmbyllet me disa vendime jetike të përfunduara që e fuqizojnë shtetin e Kosovës.
Haradinaj: Kemi marr dy vendime që na forcojnë
“Ne e përmbyllim këtë vit të konsoliduar, si jemi konsiliduar. E para me një proces që na ka mbajt shumë peng, që është dialogu, i kemi marr dy vendime, që të dyja na forcojnë. Kemi marr vendimin e taksës një qind për qind që na jap fuqi në tavolinë. Njëkohësisht kemi marr vendimin e përfaqësimit tonë si Kosovë, e jo të shkojmë individualisht. Taksa dhe oferta që kemi qitë në tavolinë me delegacion sot, ju siguroj që i hap atë mundësi Kosovës që i ka munguar që dhjetë vjet, pra mundësin që më në fund në tavolinë të arrihet një marrëveshje obligative, ligjore, për njohje mes Kosovës dhe Serbisë, pra janë pjekur këto kushte”, deklaroi Haradinaj.
Ushtria, sipas Haradinajt është po ashtu një arritje e madhe, siç thotë ai, përmes saj është përmbyllur shtetësia e Kosovës që dërgon porosi të qarta se me Kosovën duhet me besuar vetëm me atë të 17 shkurtit.
Ndërsa, në lidhje me vizat, tha se kemi një telashe për BE-në, pasi është dashur me udhëtuar lirshëm tash. Haradinaj pohoi se populli i Kosovës e meriton dhe ka drejtë të lëviz brenda zonës shengen. Ndërsa, për Gjykatën Speciale, shtoi se askush nuk do të turpërojë vetën, të gjithë kokë-lartë t’i përgjigjën çfarëdo ftese.
Haradinaj: Kemi një problem me BE-në
“Ne po dëshirojmë me u anëtarësuar në BE, me i taku familjes popujve në BE. Por e kemi një telashe me ta, na ka dhënë një kontratë, plotësoni këto kushte, ne ju japin liberalizimin. Ne është dashur me udhëtuar lirshëm tash, ose më 1 janar. Po ndodh e kundërta, prej Be-së po vijnë ftesa, por për ushtarët e UÇK-së, për ata që e kanë pruar lirin me shku në gjykata. Kosova nuk e turpëron veten, as këtë rast nuk jemi turpëruar në gjykatat e UNMIK-ut, Tribunalit të Hagës, as të EULEX-it, asnjë pjesëtar i luftë s nuk e turpëron vetën, do t’i përgjigjet drejtësisë. Por e kemi dhe diçka, popullin e kemi të izoluar, a bën këtij populli që i kërkohet dhe një filtër i drejtësisë me i dhanë respektin e duhur, me i dhanë liberalizimin” shtoi, kreu i egzekutivit, Ramush Haradinaj. &nb sp;
I pari i AAK-së, Ramush Haradinaj tashmë ka hyrë në vitin e dytë të tij qeverisës, dhe për këtë arsye ai u shpreh falënderues ndaj partnerëve të koalicionit.
Po ashtu, theksoi se janë të gatshëm çdo herë për zgjedhje të reja
