Mijëra shqiptarë që prej dje kanë komentuar në një postim të Përfaqësueses së Lartë të BE-së Federica Mogherini, ku bëhej fjalë për të drejtat e njeriut.
Në atë postim, dhjetëra mijëra komente kërkuan të drejta edhe për shqiptarët, me pretendimin se janë shkelur kur nuk është dhënë e drejta e lëvizjes së lirë në shtetet e BE-së.
Shumë shqiptarë sot kanë ndërruar destinacion, duke komentuar në postimet e presidentit amerikan Donald Trump dhe në postimet e ambasadës amerikane në Prishtinë.
Megjithatë, për amerikanët nuk ka kritika.
“Zoti e bekoftë SHBA-në. Nga Kosova, me dashuri”, është komenti që po lihet në hapësirat e komenteve të faqes së Trump dhe ambasadës amerikane.
Kjo vjen si shenjë falendërimi për mbështetjen e pakusht të SHBA-së për Kosovën, siç ishte së fundmi edhe mbështetja për themelimin e Ushtrisë.
