Policëve gjatë orarit u ndalohen kafenetë dhe xhamitë

Aktuale

Policëve gjatë orarit u ndalohen kafenetë dhe xhamitë

Më: 19 dhjetor 2018 Në ora: 11:06
Policia e Kosovës

Ministri i Punëve të Brendshme, Ekrem Mustafa dhe drejtori i Policisë së Kosovës, Rashit Qalaj janë duke raportuar në Komisionin Parlamentar për Punë të Brendshme.

Qalaj para deputetëve ka thënë se orari i punës është duke u respektuar nga policia dhe se u është ndaluar qëndrimi në kafene dhe shkuarja në xhami gjatë orarit të punës.

“Orari i punës është duke u respektuar qind për qind. Ua kemi ndaluar pjesëtarëve policorë qëndrimin në fakele gjatë orarit të punës dhe shkuarjen në xhami”, ka thënë Qalaj që ka bërë të ditur se Policisë i janë shtuar 107 pjesëtarë të intervenimit të shpejtë.

Mustafa i MPB-së ka thënë se objektivat e ministrisë që drejton janë luftimi i korrupsionit, krimin e organizuar siç është trafikimi i qenieve njerëzore dhe migrimin e pa rregullt.

Deputeti i Lëvizjes Vetëvendosje, Rexhep Selimi, ka kërkuar nga Mustafa dhe Qalaj që të mos ndodhin më skandalet siç janë rastet si vjedhja e dhomës së dëshmive, suspendimi i policëve që dhanë informata për djalin e Shpend Maxhunit.

commentFirst article
Sot mund të lexoni Shfletoni kopertinat