Maja e tretë më e lartë në Kosovë

Alpinizem

Maja e tretë më e lartë në Kosovë

Nga: K.G. Më: 6 nëntor 2020 Në ora: 15:11
Maja e tretë më e lartë në Kosovë

Bjeshkataria dhe alpinizmi, një sport gjithnjë e më i dashur po bëhet në shtetin e Kosovës. Të gjitha moshat, pa dallim gjinie, në vikende janë mësyjnë vendeve të ndryshme të bukura që kemi në Kosovë. 

“Pas një vikendi të mrekullueshëm në Peklenë të Rugovës dhe Majën e Rupës në Deçan, me 7 nëntor duke filluar në orën 06:00 Hikingnjeri organizon ecje në majën e tretë më të lartë në Kosovë, Majen Bistra 2651 metra në Sharr të Prevallës (pas Majës së Njerit 2658 metra dhe Gjeravicës 2656 metra).

Rrugës do të kalojmë kah burimet e Bistricës dhe do të kënaqemi me pamje magjepsëse të majeve të mahnitshme të Sharrit të Mushnikovës si: Guri i Came, Konjushka, Guzhbaba, Dovodenica, Jezerski etj.

Nga maja, e cila gjendet në kufi mes Kosovës dhe Maqedonisë, do të keni pamje të paharrueshme të një pjese të madhe të Sharrit”, njofton mes të tjera “Hikingnjeri".

commentFirst article
Sot mund të lexoni Shfletoni kopertinat