Lufta në Ukrainë anulon shumë ngjarje të nivelit botëror në Rusi.
Rusia agresore ka sulmuar Ukrainën dhe kjo ka bërë që federatat e ndryshme sportive ndërkombëtare, të marrin vendimet e tyre, së fundi edhe Organizata Botërore e Bjeshkatarisë dhe Alpinizmit –UIAA.
“Organizata Botërore e Bjeshkatarisë dhe Alpinizmit –UIAA, në mbledhjen e mbajtur me 25 shkurt, njofton se: pas marrjes në konsideratë të të gjithë faktorëve, Bordi ekzekutiv i UIAA-së ka vendosur që, në interes të sigurisë së të gjithë pjesëmarrësve, dhe për të ruajtur integritetin e Turneut Botëror të Ice Climbing, të organizuar nga UIAA, anulohen dy ngjarjet e mbetura të Kupës Botërore të Ngjitjes në Akull, të planifikuara të mbahen në Rusi, nga tani deri në fund të sezonit 2021-2022.
Për më tepër, Bordi Ekzekutiv i UIAA-së, bën të qartë se dënon ashpër përdorimin e dhunës shtetërore ose individuale, me qëllim të zgjidhjes së mosmarrëveshjeve, siç është veprimi aktual i Rusisë kundër Ukrainës”, - thuhet në njoftimin e UIAA-së.
