SHBA-ja përdorë gaz lotsjellës ndaj emigrantëve në kufi me Meksikën

Amerika

SHBA-ja përdorë gaz lotsjellës ndaj emigrantëve në kufi me Meksikën

Më: 2 janar 2019 Në ora: 10:28
25 emigrantë u arrestuan ndërsa të tjerët u zvarritën në Meksikë përmes një vrime nën gardh.

Autoritetet e SHBA-së hodhën gaz lotsjellës në Meksikë gjatë orëve të para të vitit të ri për të larguar rreth 150 emigrantë që u përpoqën të shkelin gardhin kufitar në Tijuanë.

Dogana dhe Mbrojtja Kufitare e SHBA-së, thanë në një deklaratë të martën më vonë, se gazi ishte përdorur për të shënjestruar hedhësit e gurëve po jo emigrantët që po përpiqeshin të kalonin kufirin, njofton AP.

"Asnjë zyrtar i sigurisë nuk ka dëshmuar se ndonjë emigrant, duke përfshirë fëmijët, kanë përjetuar efektet e agjentëve kimikë, të cilët kishin në shënjestër hedhësit e gurëve që ishin më larg", thuhet në deklaratë.

Mëgjithatë një fotograf i agjencisë Associated Press pa të paktën tre gazlotsjellës të hedhur në anën meksikane të kufirit pranë plazhit të Tijuana që prekën emigrantët, duke përfshirë gratë dhe fëmijët, si dhe gazetarët. AP shkruan se gurët u hodhën vetëm pasi agjentët e SHBA-së qëlluan me gaz lotsjellës. Agjencia tha se 25 emigrantë u arrestuan ndërsa të tjerët u zvarritën në Meksikë përmes një vrime nën gardh.

Sot mund të lexoni Shfletoni kopertinat