Ish-avokati i Trumpit pranon të dëshmojë publikisht - Bota Sot
Ish-avokati i Trumpit pranon të dëshmojë publikisht

Amerika

Ish-avokati i Trumpit pranon të dëshmojë publikisht

Më: 11 janar 2019 Në ora: 15:27
Michael Cohen

Ish-avokati i presidentit të Shteteve të Bashkuara, Donald Trump, u pajtua që të dëshmojë publikisht në një seancë para një komiteti të Kongresit, e cila pritet të përqendrohet në marrëveshjet e kaluara financiare të Trumpit dhe në lidhjet e tij me Rusinë.

Michael Cohen do të paraqitet më 7 shkurt para Komitetit për Mbikëqyrje dhe Reformë, bëri të ditur ky i fundit.

Seanca dëgjimore vjen rreth një muaj pasi demokratët morën zyrtarisht kontrollin e Dhomës së Përfaqësuesve.

Cohen ka shërbyer si avokat personal i Trumpit për shumë vite, ndërsa ka ndaluar të punojë për të në maj të vitit 2018, një muaj pasi agjentët e FBI-së kanë bastisur zyrën dhe shtëpinë e tij, duke i konfiskuar mijëra faqe dokumente.

Ky hetim, që po kryhet nga hetuesit federalë në Menhetën, është përqendruar në pagesën që dyshohet se Cohen u ka bërë dy grave, që thonë se kanë pasur marrëdhënie seksuale me Trumpin.

Hetuesit federalë kanë thënë se Trump i ka udhëzuar ato pagesa, të cilat mund të shkelin ligjet federale të financimit të fushatës.

Cohen është po ashtu figurë kyçe në hetimet që po bën këshilltari i posaçëm, Robert Mueller, për koordinime të mundshme midis Rusisë dhe bashkëpunëtorëve të Trumpit.

Cohen ka pranuar se e ka gënjyer Kongresin kur ka thënë se negociatat për Kullën Trump në Moskë kanë përfunduar në janar të vitit 2016.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...