Dështojnë negociatat për kufirin, qeveria amerikane pranë mbylljes së dytë - Bota Sot
Dështojnë negociatat për kufirin, qeveria amerikane pranë mbylljes së dytë

Amerika

Dështojnë negociatat për kufirin, qeveria amerikane pranë mbylljes së dytë

Më: 11 shkurt 2019 Në ora: 17:33
Ilustrim

Bisedimet mes kongresistëve amerikanë për marrëveshje lidhur me sigurinë kufitare kanë ngecur, duke e rritur mundësinë që qeveria amerikane të mbyllet sërish për herë të dytë brenda pak muajve.

Pjesëmarrësit e këtyre bisedime shpresonin se marrëveshja do të arrihej gjatë ditës së sotme në mënyrë që Kongresi ta miratojë legjislacionin deri të premten, kur kalon afati i marrëveshjes federale për financim.

Arsye për mosmarrëveshje mbeten fondet për ndërtimin e murit përgjatë kufirit me Meksikën dhe mënyra se si duhet të trajtohen imigrantët që nuk kanë dokumente.

Mbyllja e kaluar e qeverisë kishte zgjatur 35 ditë dhe ishte mbyllja më e gjatë në histori të Shteteve të Bashkuara. Qindra mijëra punëtorë të sektorit publik ishin detyruar të pushojnë, ndërsa një pjesë e punëtorëve të shërbimeve emergjente, siç janë kujdesi shëndetësor, kontrolli i trafikut ajror dhe zbatimi i ligjit, kishin punuar pa paga.

Raportohet se pjesëmarrësit e negociatave do të takohen edhe një herë gjatë ditës së sotme, ndonëse nuk është e qartë se cilat mënyra.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...