SHBA-ja dhe Rusia diskutojnë për situatën në Venezuelë - Bota Sot
SHBA-ja dhe Rusia diskutojnë për situatën në Venezuelë

Amerika

SHBA-ja dhe Rusia diskutojnë për situatën në Venezuelë

Më: 19 mars 2019 Në ora: 20:04
Përfaqesuesi i veçantë i SHBA-së, Elliott Abrams.

Bisedimet ndërmjet Shteteve të Bashkuara dhe Rusisë për situatën në Venezuelë ishin pozitive dhe thelbësore megjithëse të dyja palët mbajnë qëndrimet të ndara sa i përket legjitimitetit të presidentit, Nikolas Maduro, tha përfaqesuesi i veçantë i SHBA-së, Elliott Abrams.

“Bisedimet ishin të dobishme, thelbësore dhe serioze. Ne u pajtuam për krizën e thellë në Venezuelë. Ne jemi të shqetësuar shumë për natyrën dhe seriozitetin e krizës humanitare”, tha Abrams.

Në bisedimet për krizën në Venezuelë që u mbajtën në Romë, delegacioni rus u kryesua nga zëvëndësministri i Jashtëm, Sergei Ryabkov.

Lideri opozitar në Venezuelë, Juan Guaido, e ka shpallur veten president të përkohshëm të vendit më 23 janar. Ai është njohur si udhëheqës i shtetit nga Shtetet e Bashkuara, shumica e vendeve të Bashkimit Evropian dhe shtetet e Amerikës Latine.

Rusia, Irani, Kuba, Bolivia dhe Turqia, vazhdojnë ta njohin Nicolas Maduron si president të Venezuelës.

Rusia – që i kanë dhënë hua miliarda dollarë Venezuelës gjatë viteve të fundit – është mbështetësja kryesore e Maduros, që prej se Guaido kontestoi rolin e tij si udhëheqës i vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...