Mediat në Shtetet e Bashkuara po raportojnë se “SHBA-ja pritet që së shpejti të emërojë Gardën Revolucionare Islamike si organizatë e huaj terroriste. Kjo do të ishte hera e parë që Uashingtoni ka dhënë këtë emërtim ndaj një njësie ushtarake të huaj.
Duke cituar zyrtarë amerikanë, mediat kanë raportuar se ky veprim mund të realizohet deri më 8 prill.
Shtetet e Bashkuara më parë kishin emëruar disa njësi ushtarake dhe persona në Iran si pjesëtarë të organizatave terroriste.
Expose: Armiq të përbetuar
Kritikët dhe disa zyrtarë të Pentagonit kanë thënë se ky veprim mund të shkaktojë përçarje me qeveritë tjera jomiqësore. Sipas raportimeve, gjenerali Joe Dunford, kryesues i shefave të kabinetit dhe Agjencia Qendrore e Intelegjencës, CIA, e kundërshtojnë këtë veprim.
Zyrtarët iranianë në misionin e Kombeve të Bashkuara, nuk kanë dashur të komentojnë.
Përballja me Iranin është bërë fiksim politik i administratës së Shteteve të Bashkuara. Dy vendet ndajnë një armiqësi të thellë që nga Revolucioni Islamik i vitit 1979.
