SHBA kritikohet për kushtet në qendrat e ndalimit të migrantëve - Bota Sot
SHBA kritikohet për kushtet në qendrat e ndalimit të migrantëve

Amerika

SHBA kritikohet për kushtet në qendrat e ndalimit të migrantëve

Më: 8 korrik 2019 Në ora: 23:01
Foto ilustrim

Shefja për të drejta të njeriut e Kombeve të Bashkuara, Michelle Bachelet, tha se është “e tmerruar” nga kushtet me të cilat përballen migrantët e ndaluar në Shtetet e Bashkuara.

Ajo tha se fëmijët nuk duhet të mbahen kurrë në objektet e migrantëve të ndaluar ose të ndahen nga familjet e tyre.

“Si një pediatre, por edhe si nënë dhe një ish-udhëheqëse e shtetit, jam thellësisht e tronditur që fëmijët janë të detyruar të flenë në dysheme, në objekte të mbipopulluara, pa qasje në kujdesin shëndetësor ose ushqim adekuat dhe në kushte të dobëta sanitare”, tha përmes një deklarate Bachelet.

Më 6 korrik, gazetat New York Times dhe El Paso Times botuan një artikull që e përshkruante një stacion të Patrullës Kufitare në Klint të Teksasit, të mbushur me qindra fëmijë të veshur me rroba të pista dhe të paketuar në qeli.

Presidenti i Shteteve të Bashkuara, Donald Trump, tha se artikulli është “mashtrim” dhe se ai do t’i dërgojë mediat për të vizituar qendrat.

Bachelet bëri thirrje për dhembshuri, duke thënë se ata që e gjejnë veten në këto ambiente “kanë bërë udhëtime të rrezikshme me fëmijët e tyre, në kërkim të mbrojtjes dhe dinjitetit dhe larg dhunës dhe urisë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...