SHBA do të nisë dëbimin masiv të imigrantëve të paligjshëm - Bota Sot
SHBA do të nisë dëbimin masiv të imigrantëve të paligjshëm

Amerika

SHBA do të nisë dëbimin masiv të imigrantëve të paligjshëm

Më: 12 korrik 2019 Në ora: 11:48
Foto ilustrim

Shtetet e Bashkuara thanë se do të nisin arrestimin e së paku 2,000 familjeve imigrante, që ligjërisht do të mund të dëbohen.

Operacioni mbarëkombëtar u kërkua nga presidenti Donald Trump, i cili premtoi se do të largojë “miliona” banorë të paligjshëm nga SHBA-ja.

Operacioni pritet të nisë më 14 korrik, pasi u shty muajin e kaluar.

Gazeta ‘New York Times’ raportoi se bastisjet janë shtyrë për shkak të mospajtimeve brenda administratës.

Mbështetësit e të drejtave të imigrantëve shprehën zemërim mbi bastisjet e planifikuara në dhjetë qytete të mëdha.

Operacione të ngjashme ka pasur edhe në të kaluarën, megjithëse është e pazakonshme të shënjestrohen familje dhe jo imigrantë me histori kriminale.

Trump e ka bërë trajtimin e imigrimit të paligjshëm prioritet të administratës së tij, edhe pse kritikët thonë se ai përpiqet të krijojë armiqësi ndaj popullatave migrante për qëllime politike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...