Trump thotë se kongresistet duhet t’i kërkojnë falje atij dhe Izraelit - Bota Sot
Trump thotë se kongresistet duhet t’i kërkojnë falje atij dhe Izraelit

Amerika

Trump thotë se kongresistet duhet t’i kërkojnë falje atij dhe Izraelit

Më: 15 korrik 2019 Në ora: 14:43
Donald Trump

Presidenti i Shteteve të Bashkuara, Donald Trump, e ka nisur javën e re me akuza raciste që kanë nxitur përçarje dhe debat për shkak të reagimit ndaj disa kongresisteve amerikane.

Ai më parë u ka kërkuar kongresisteve që të shkojnë në vendet nga kanë ardhur. Megjithatë, ai ka thënë se ato duhet t’i kërkojnë falje Zyrës së Presidentit, popullit amerikan dhe Izraelit.

“Kur do t’iu kërkojnë falje kongresistet radikale majtiste vendit tonë, popullit të Izraelit dhe Zyrës së Presidenit për gjuhën e gabuar që e kanë përdorur dhe gjërat e tmerrshme që i kanë thënë? Shumë njerëz janë të zemëruar me to dhe veprimet e tyre të tmerrshme e neveritëse”, shkroi presidenti amerikan në “Twitter”.

Sipas një ankete të re, të realizuar nga medium “NBC News”, presidenti amerikan është më pak i preferuar se kandidatët demokratë për president të ardhshëm, Joe Biden, Bernie Sanders dhe Elizabeth Warren, pavarësisht përkrahjes prej 94 për qind në Partinë Republikane.

Në kohën kur agjentët për imigrim dhe dogana i kanë nisur aksionet masive për deportimin e imigrantëve në të paktën dhjetë qytete amerikane, presidenti Trump i ka kritikuar edhe raportimet e medieve për vizitën e zëvendëspresidentit, Mike Pence, në një qendër ndalimi në Teksas, duke këmbëngulur se ajo ishte e pastër dhe e mirëmbajtur, pavarësisht pamjeve që e dëshmonin të kundërtën.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...