Sipas një studimi, mbi 30 mijë vdekje mund të jenë shkaktuar nga ndotja e ajrit - Bota Sot
Sipas një studimi, mbi 30 mijë vdekje mund të jenë shkaktuar nga ndotja e ajrit

Amerika

Sipas një studimi, mbi 30 mijë vdekje mund të jenë shkaktuar nga ndotja e ajrit

Më: 24 korrik 2019 Në ora: 19:58
Ilustrim

Më shumë se 30,000 vdekje në Shtetet e Bashkuara në një vit të vetëm mund të jenë shkaktuar nga ndotja e ajrit, sipas një studimi të botuar të martën.

Këto vdekje erdhën edhe kur thuajse çdo qark në Shtetet e Bashkuara mbeti brenda standardeve federale të cilësisë së ajrit.

Kjo sugjeron se janë të nevojshme rregulla më të rrepta për të mbrojtur shëndetin e njeriut, thonë studiuesit.

“Mendoj se përfundimi i madh është se ulja e kufijve të ndotjes së ajrit mund të vonojë në SHBA dhjetëra mijëra vdekje çdo vit”, tha Majid Ezzati, autori kryesor i studimit dhe profesor i shëndetit global mjedisor në Kolegjin Imperial në Londër.

Hulumtimi, i botuar sot në revistën PLOS Medicine, analizoi numrin e vdekjeve për vitin 2015, viti më i fundit për të cilin ishin të disponueshme të dhëna.

Hulumtuesit analizuan trendet e cilësisë së ajrit që nga viti 1999 në mbi 750 stacione monitorimi në të gjithë Shtetet e Bashkuara.

Ata specifikisht analizuan copëzat e grimcave të vogla, të ndjeshme, që mund të hyjnë në gjak.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...