Sekretari i Shtetit të SHBA-së, Mike Pompeo ka thënë këtë të premte se mendon që Administrata e Trump do të dalë me një plan që është stërshtyrë për paqe në mes të Izrealit dhe Palestinës.
Sipas tij ky plan do të dalë në javët në vijim, shkruan Euronews.
“Mendoj që në javët në vijim ne do të dalim me vizionin tonë”, ka thënë Pompeo pas fjalimit në Universitetin e Kansas në Manhatan.
Javën e kaluar i dërguari i shtëpisë së Bardhë në Lindje të Mesme, Jason Greenblatt, ka thënë se SHBA-sa nuk do të dalë me plan të pjesshëm për paqe para se të mbahen zgjedhjet e 17 shtatorit në Izrael.
