Amazona po shpyllëzohet, deri në fund të vitit 10 mijë kilometra pyll do zhduken - Bota Sot
Amazona po shpyllëzohet, deri në fund të vitit 10 mijë kilometra pyll do zhduken

Amerika

Amazona po shpyllëzohet, deri në fund të vitit 10 mijë kilometra pyll do zhduken

Më: 10 shtator 2019 Në ora: 22:48
Amazonë

Deri në fund këtij viti, bimësia në një sipërfaqe prej 10 mijë kilometrash katrorë në Amazonë rrezikon të shkatërrohet krejtësisht.

Situata në pyllin më të madh tropikal të globit është katastrofike: brenda vitit, niveli i shpyllëzimit në mushkërinë e botës është rritur me 300%, duke i shtyrë autoritetet të japin alarmin.

Gushti është gjithmonë muaj i shoqëruar me thatësira e zjarre natyrale, por këtë vit, masakra mjedisore e Amazonës i detyrohej në masë të madhe veprimeve kriminale të fermerëve, që vinin zjarre për të hapur kullota e për të liruar terren.

Problemet më te shumta duket se vinin nga prodhuesit e sojës. Komisionerja e lartë e OKB-së për të drejtat e njeriut, Michelle Bachelet, e përkufizoi gjendjen si “katastrofë njerëzore” për popullsinë indigjene në zonë, e që sipas saj, do të ketë një “ndikim të tmerrshëm” mbi të gjithë njerëzimin.

Bachelet i bëri thirrje të gjitha qeverive të vendeve të Amazonës të angazhohen për shpëtimin e saj, duke u kujtuar ndërkohë edhe shteteve të tjera se askush nuk mund ta konsiderojë veten “të përjashtuar nga kriza”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...