Aeroplanët luftarakë amerikanë që po fluturonin me 560 kilometra në orë, për një “fije floku” nuk i kanë goditur dy parashutistë britanikë, thuhet në raportin e komisionit ushtarak.
Parashutistët ishin hedhur nga aeroplani dhe po binin në tokë me shpejtësi prej 190 kilometra në orë, dhe as që kishin menduar se nën këmbët e tyre po kalonin dy aeroplanë luftarakë F-35..
Njëri nga parashutistët i ka filmuar me kamerë aeroplanët të cilën e kishte vendosur në helmetë, kurse videoja është përdorur për hetime.
Opinioni në Britani është shqetësuar për shkak të këtij incidenti që ka mundur të përfundojë me fatalitet, në veçanti se në këtë kohë shumë klube të parashutistëve praktikojnë hedhjen me parashutë.
Në raport thuhet se kontrolli ajror është dashur t’i informojë pilotët se parashutistët janë në ajër, kurse nga baza ajrore amerikane kanë bërë të ditur se pilotët vazhdimisht informohen për rreziqet që mund t’i hasin gjatë udhëtimit.
Megjithatë në raport nuk precizohet sesa metra kanë munguar që të vjen deri të përplasja mbi aeroportin Cheters.
