Një anëtar i shërbimit amerikan u vra në aksion në Afganistan të hënën, tha NATO, pa dhënë detaje të tjera, shkruan AP.
Javën e kaluar, Presidenti Donald Trump tërhoqi papritmas bisedimet me Talibanët për t'i dhënë fund luftës më të gjatë të Amerikës, duke përmendur vrasjen e një anëtari të shërbimit amerikan në një sulm talebanëve ditë më parë.
Vdekjae tij të hënën ishte vdekja e 17-të luftarake e SHBA në Afganistan këtë vit, sipas llogaritjes së Pentagonit. Po ashtu, ka pasur tre vdekje jo luftarake këtë vit. Më shumë se 2,400 amerikanë kanë vdekur në luftën gati 18-vjeçare.
Në të gjithë Afganistanin, sulmet militante dhe më shumë dhunë vranë të paktën shtatë vetë ndërsa vendi përgatitet për zgjedhjet presidenciale më vonë këtë muaj, thanë zyrtarët afganë.
