Thuajse një muaj pas shkatërrimit të Bahamasit nga uragani Dorian, zyrtarët thonë se ende janë 600 persona që mungojnë.
Kryeministri i Bahamasit deklaroi se numri i të zhdukurve ka rënë ndjeshëm gjatë javëve të fundit, ndërkohë që numri i vdekjeve është rritur. Deri më tani qeveria ka deklaruar se numri zyrtar i personave të mbetur të pajetë është 56 .
Pas goditjes nga uragani shtëpitë mbetën pa energji elektrike, pa ujë dhe gjithçka ishte e dëmtuar sikur të ishin pas lufte. Ndërkohë që mendohet se ende mund të ketë trupa të pajetë nën rrënoja.
Ndërkaq, në fillim të kësaj jave qeveria e Bahamasit deklaroi se ka në plan të punësojë ndërmarrjet vendase për të larguar mbeturinat nga zonat më të goditura.