Vrasësi më i tmerrshëm në historinë e SHBA-së tregon se si ua mori jetën 93 viktimave të tij – ua vizaton edhe fytyrat në burg - Bota Sot
Vrasësi më i tmerrshëm në historinë e SHBA-së tregon se si ua mori jetën 93 viktimave të tij – ua vizaton edhe fytyrat në burg

Amerika

Vrasësi më i tmerrshëm në historinë e SHBA-së tregon se si ua mori jetën 93 viktimave të tij – ua vizaton edhe fytyrat në burg

Më: 7 tetor 2019 Në ora: 21:06
Samuel Little

Një vrasës i dënuar që ka rrëfyer për vrasjen e 93 personave është lidhur zyrtarisht me të paktën 50 prej këtyre vdekjeve – duke e bërë atë vrasësin serik më të tmerrshëm në historinë e ShBA-së.

Sipas mediave të huaja, bëhet fjalë për Samuel Little, 79 vjeç, i cili ka rrëfyer për 93 vrasje – kryesisht gra – në të gjithë Shtetet e Bashkuara midis viteve 1970 dhe 2005.

Edhe pse FBI ka konfirmuar vetëm përfshirjen e tij në 50 nga vrasjet, hetuesit besojnë se të gjitha rrëfimet e Little janë të besueshme.

FBI lëshoi të dielën disa nga rrëfimet e ftohta të tij, ndërsa ai kujtoi detaje të disa prej viktimave të paidentifikuara.

Hetuesit lëshuan gjithashtu skica të vizatuara nga Little, të njerëzve që ai pretendon se i ka vrarë.

Rrëfimet e përgjuara të Little u bënë nga burgu ku ai po vuan dënimin me burg të përjetshëm që nga viti 2014 pasi ishte dënuar për tre nga vrasjet.

FBI ka krijuar një faqe në internet – “Rrëfimet e një Vrasësi” – duke treguar kujtimet e tij në videot e vrasjeve të paidentifikuara, si dhe skicat, pasi ata përpiqen të identifikojnë viktimat e mbetura që ai pretendon se ka vrarë.

Tridhjetë skica tani janë të përfshira në faqen e internetit të FBI, krahas detajeve të vogla ka dhënë hetuesit për secilën viktimë.

Në një nga rrëfimet në video, Little qetë e përshkroi vrasjen e një gruaje me ngjyrë në New Orleans në vitin 1982, të cilën ai kujtoi se ishte takuar në një festë ditëlindjeje.

Image
Image

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...