Në një video të publikuar dhe të shpërndarë shumë në internet shfaqqet momenti kur Policia në SHBA thyen derën e një dhome hoteli në Teksas dhe shpëtuan 8-vjeçaren e rrëmbyer.
Ajo ishte fshehur në shportën e rrobave të palara.
Njëri prej policëve kishte vendosur një kamerë në uniformë, duke mundësuar që ta incizonte aksionin e forcave të rendit që ishin armatosur kokë e këmbë për ta shpëtuar vogëlushen.
Në video-incizim shihet plani i policëve të cilët e thyejnë derën dhe futen me forcë brenda, duke e kapur mat rrëmbyesin.
Pasi e prangosin atë, policët e gjejnë vajzën e fshehur në shportën e rrobave dhe më pas njëri bërtet duke sinjalizuar lajmin.
8-vjeçarja ishte rrëmbyer në rrugë derisa po ecte me nënën e saj në mes të ditës. Rrëmbyesi e kishte dërguar vogëlushen deri në parkingun e një kishe, ku e kishte keqtrajtuar dhe më pas e kishte dërguar në një dhomë hoteli.
Michael Webb,51-vjeç, është arrestuar për rrëmbim dhe është dënuar me burgim të përjetshëm. Ai e ka pranuar krimin në seancën gjyqësore që zgjati vetëm 15 minuta.
