SHBA mund të vendosin sistemin antiraketor për të mbrojtur trupat amerikane në Irak

Amerika

SHBA mund të vendosin sistemin antiraketor për të mbrojtur trupat amerikane në Irak

Më: 23 janar 2020 Në ora: 15:13
Foto

Pentagoni ka gjasa të vendos një sistem të mbrojtjes raketore në Irak, në përgjigje të Iranit, pas sulmit me raketa balistike në një bazë të Irakut ku strehonte trupa amerikane në fillim të këtij muaji, thanë zyrtarët e mbrojtjes për Fox News.

Masa vjen pasi trupat amerikane u dërguan në një institucion mjekësor në Gjermani pasi u ankuan për lëndime në kokë pas sulmit me raketa iraniane.

Njëmbëdhjetë trupa amerikane fluturuan nga Iraku në fund të javës së kaluar për trajtim, sipas një zëdhënësi të forcave amerikane në Lindjen e Mesme.

Duke folur në Davos më herët të mërkurën, në Forumin Ekonomik Botëror, presidenti Donald Trump duket se minimizon masën e plagëve të trupave.

“Kam dëgjuar se ata kanë dhimbje koke dhe disa gjëra të tjera”, tha Trump. “Por unë do të thosha dhe mund të raportoj se nuk është shumë serioze”.

Më 8 janar, Irani hodhi 11 raketa balistike me rreze të shkurtër në bazën ajrore al-Asad në Irak, ku strehoheshin më shumë se 1.000 trupa amerikane.

Sulmi ishte në shenjë hakmarrjeje për autorizimin e Trumpit për një sulm me dron që vrau Qassem Soleimanin, gjeneralin e lartë ushtarak të Iranit.

Trump kërcënoi me sanksione ndaj Irakut në fillim të këtij muaji nëse qeveria shkon përpara me plane për të dëbuar 5,000 trupat amerikane të vendosur aktualisht në Irak.

Fox News raportoi më parë se ushtria amerikane nuk rrëzoi asnjë nga raketat balistike të Iranit sepse nuk kishte asnjë sistem mbrojtjeje raketash aty. 

commentFirst article
Sot mund të lexoni Shfletoni kopertinat