Një djalë 9-vjeçar është akuzuar për vrasje në tentativë të shkallës së parë, pasi dyshohet se ka goditur me thikë kuzhine motrën e tij 5-vjeçare në një apartament, sipas Departamentit të Policisë Ocala në Florida.
Në paraqitjen e tij fillestare pranë gjykatës, një gjykatës urdhëroi djalin që t’i nënshtrohej vlerësimit psikiatrik.
Ai gjithashtu do të mbetet në paraburgim të siguruar dhe paraqitja e tij e ardhshme në gjykatë është caktuar në datën 5 shkurt.
“Vdis, Vdis”- ishin fjalët e djalit gjatë kryerjes së krimit, ka pohuar nëna e dy fëmijëve. Madje djali i tha oficerëve të policisë se ai kishte dy ditë që mendonte ta vriste motrën dhe kur ajo kishte shkuar për ti treguar diçka djali e ka qëlluar pas shpine, raporton CNN.
Nëna e fëmijëve i tha policisë se ajo la dy fëmijët vetëm në banesën e tyre për rreth 10 minuata, sa kontrolloi kutinë postare, dhe kur u kthye në apartament, ajo gjeti djalin e saj 9-vjeçar duke goditur me thikë të bijën në dhomën e tij.
Fatmirësisht, 5-vjeçarja është jashtë rrezikut për jetën dhe po merr mjekimet e duhura.
