Presidenti i Shteteve të Bashkuara të Amerikës (SHBA), Donald Trump, ka bërë thirrje që një ilaç anti-malaria të përdoret për trajtimin e koronavirusit “menjëherë”.
Të shtunën në mëngjes Trump shkroi në rrjetin social Twitter: “HYDROXYCHLOROQUINE & AZITHROMYCIN, të marra së bashku, kanë një shans të vërtetë për të qenë ‘një nga ndërruesit më të mëdhenj të lojës në historinë e mjekësisë’. FDA ka ‘lëvizur malet’ – Faleminderit! Shpresojmë se ato të bëra së bashku të vihen në përdorim”.
Ndërkohë në një postim tjetër, Trump ka shkruar: “Vendoseni në përdorim menjëherë. Njerëzit po vdesin, lëvizni shpejt dhe Zoti i bekoftë të gjithë!”
Donald Trump e kishte përmendur hidroksilkorin si një trajtim të mundshëm, përpara se të qortohej publikisht nga Anthony Fauci, eksperti i tij kryesor në luftën kundër Covid-19.
Koronavirusi ka infektuar të paktën 18 mijë njerëz në SHBA dhe ka vrarë më shumë se 270, shkruan The Indipedente.
Por i pyetur nëse ilaçi ishte një zgjidhje premtuese, Dr. Fauci, drejtori i Institutit Kombëtar të Alergjisë dhe Sëmundjeve Infektive, tha në një konferencë shtypi në Shtëpinë e Bardhë të premten se “përgjigja nuk është e sigurt”.
Dr Fauci i tha CNN se “nuk ka ilaç magjik”.