Lufta kundër koronavirusit, Kanadaja miraton faturën historike për përballimin e situatës

Amerika

Lufta kundër koronavirusit, Kanadaja miraton faturën historike për përballimin e situatës

Më: 12 prill 2020 Në ora: 10:07
Justin Trudeau

Ligjvënësit kanadezë miratuan një projektligj për të subvencionuar pagat me 75% në përpjekje për të stabilizuar ekonominë, ndërkohë që kryeministri Justin Trudeau e quajti koronavirusin, sfidën më të madhe të brezit të tij.

Programi 52 miliardë dollarë- më shumë se një e katërta e planit fiskal emergjent të qeverisë deri më sot – u kalua për miratim në një seancë urgjente të Dhomës së Komunave ditën e djeshme.

“Mos iu dorëzoni frikës së krijuar nga prania e koronavirusit”, Papa Françesku del me mesazhin shpresëdhënës: Errësira dhe vdekja nuk do ta thonë fjalën e fundit!

Trudeau e krahasoi betejën kundër virusit me një luftë, pasi vendi rrezikon që të shkojë drejt një rënie të nivelit ekonomik, që nga koha e Depresionit të Madh. “Secili prej nesh ka një rol për të ndihmuar në mbrojtjen e vendit tonë nga kërcënimi me të cilin përballet tani.”, tha ai.

Ky program do të arrijë të frenojë një valë të madhe të pushimeve nga puna. Më shumë se 5 milionë njerëz (një në katër punëtorë) aplikuan për ndihmë ekonomike këto javët e fundit. Ndërkohë që biznesit mund të ketë nevojë për ndihmë nga shteti, në mënyrë që të arrijë të paguajë punëtorët, maksimumi deri 847 dollarë në javë për çdo punonjës. Zyrtarët e qeverisë pohuan se subvencionet do të paguhen brenda dy deri në pesë javësh, shkruan ‘Bloomberg’.

Kryeministri kanadez pohoi të premten se në rastin më të mirë Kanadaja do të jetë në gjendje të lirojë masat shtrënguese dhe të kthejë disa sektorë në punë në verë, nëse qytetarët zbatojnë masat kundër përhapjes së COVID-19. Kanadaja ka konfirmuar deri më tani 22.500 raste me COVID-19 dhe 600 vdekje.

commentFirst article
Sot mund të lexoni Shfletoni kopertinat