Rritet tensioni në Shtetet e Bashkuara të Amerikës pas vdekjes së George Floyd, afroamerikani 46-vjeçar që u mbyt nga disa agjentë policie gjatë kontrollit dhe arrestimit ditë më parë.
Gazetari i CNN dhe e gjithë trupa filmuese, që raportonin nga protestat dhe revolta e shpërthyer në Minneapolis, janë arrestuar në lidhje direkte ndërsa tregonin për ngjarjet dhe transmetonin pamjet e policisë dhe pronave private të djegura dhe dëmtuara…
Ngjarja ka bërë xhiron e rrjeteve sociale, me komunitetin mediatik që ka dalë në mbrojtje të kolegëv të tyre. Sipas informacioneve, policia i ka kërkuar që të largohej nga aty dhe gazetari u ka treguar kartën e gazetarit identifikuese për median që punonte, por menjëherë është kapur dhe arrestuar.
Minnesota police arrest CNN reporter and camera crew as they report from protests in Minneapolis https://t.co/IY0H1Lc77E pic.twitter.com/s9XmwVfabP
— New Day (@NewDay) May 29, 2020
Përpara se të vihej në pranga pa bërë rezistencë, gazetari po tregonte në lidhje direkte me studion për “skena dramatike në Minneapolis pasi policia mbërriti në vend dhe pati përballje me manifestuesit. Agjentët, të veshur me kundërplumb, u hodhën në aksion dhe me spry dhe shkopa gome u përpoqën të largonin turmën, që reagoi më pas”.
