Rezultatet e obduksionit të afro-amerikanit nga Atltanta, zbulojnë se ishte vrarë me dy plumba në shpinë - Bota Sot
Rezultatet e obduksionit të afro-amerikanit nga Atltanta, zbulojnë se ishte vrarë me dy plumba në shpinë

Amerika

Rezultatet e obduksionit të afro-amerikanit nga Atltanta, zbulojnë se ishte vrarë me dy plumba në shpinë

Më: 15 qershor 2020 Në ora: 11:16
Foto Ilustrim

Gjatë kryerjes së obduksionit është konstatuar se vdekja e afro-amerikanit Rayshard Brooks, që u qëllua me revole nga një polic në Atlanta të SHBA-ve, është vrasje e shkaktuar nga plagët e marra në shpinë nga arma e zjarrit.

Siç raporton Reuters, në kumtesën e zyrës së patologut të rajonit Fulton, analizat e obduksionit kanë treguar se 27-vjeçari Brooks ka ndërruar jetë si pasojë e humbjes së madhe të gjakut dhe plagëve të shkaktuara nga dy plumbat në organet e brendshme. Për këtë është cilësuar si vrasje.

Brooks është vrarë pasi i rezistoi arrestimi në parkingun e një restoranti të ushqimit të shpejtë. Gjatë tentim arrestimit ka ardhur deri te “orvatja” mes Brooks dhe policëve, të cilët në një moment i shtyu dhe ua rrëmbeu elektroshokun – me ç‘rast u detyruan të intervenojnë duke e qëlluar.

Vdekja e tij ka shkaktuar protesta të mëdha rrugëve të Atlantas, kurse restoranti i ushqimit të shpejtë ku edhe kishte ndodhur vrasja, i është vënë zjarri.

Detajet e vrasjes së afro-amerikanit në Atlanta, policët e kishin lutur që mos t’i rezistojë arrestimit – u qëllua me dy plumba në shpinë

Ky incident ka ndodhur në kohën kur janë rritur tensionet në shoqërinë amerikane pas vdekjes së afro-amerikanit George Floyd në Minneapolis gjatë tentim arrestimit, ku polici Derek Chauvin i mbajti gjurin në qafë për afro 9 minuta.

Rayshard Brooks është vrarë një ditë para se ta festonte ditëlindjen e vajzës së tij, kanë njoftuar avokatët e familjes së të ndjerit.

Brooks ishte baba i tri vajzave të moshës nga 1, 8 dhe 13-vjeqe. Vajza e tij 8-vjeçe është dashur ta festojë ditëlindjen javën e kaluar, ku madje ishte organizuar një aheng për të – por gjithçka është anuluar pas vdekjes së babait.

Afro-amerikani vritet nga policia në Atlanta, shkarkohet zyrtari policor – jep dorëheqje drejtoresha e policisë

27-vjeçari ishte raportuar në polici pasi ishte parë duke fjetur në veturën në parkingun e një restoranti. Është konstatuar se ai ishte nën ndikim të alkoolit, kurse biseda me policët në fillim dukej të ishte e qetë dhe pa tensione.

Megjithatë situata eskaloi kur tentuan t’i vënë prangat. Ai befasisht ai rrëmbeu elektroshokun njërit polic, por pa kaluar shumë sekonda është qëlluar.

Shfaq komentet
comments powered by Disqus
Sot mund të lexoni Shfletoni kopertinat