Një avion amerikan është rrëzuar në Detin e Veriut këtë të hënë dhe piloti për momentin rezulton i zhdukur.
Avioni F-15C Eagle, ishte nisur nga baza e Forcave Ajrore Britanike në Suffolk, u përplas rreth orës 9:40, me orën lokale, raporton BBC, gjatë një misioni stërvitor. Ende nuk dihet shkaku i aksidentit.
Kërkimet për pilotin vijojnë nga skuadrat e shpëtimit të dërguara në vendngjarje.
Sipas “The Guardian”, piloti dhe avioni amerikan janë pjesë e një flote me avionë luftarakë të vendosur në bazën britanike.
