Pence: Rritja e rasteve me COVID-19, rezultat i shtimit të testimeve - Bota Sot
Pence: Rritja e rasteve me COVID-19, rezultat i shtimit të testimeve

Amerika

Pence: Rritja e rasteve me COVID-19, rezultat i shtimit të testimeve

Më: 26 qershor 2020 Në ora: 21:56
Mike Pence

Ndërsa vendi po raporton një nivel rekord të rasteve të reja me COVID-19, zëvendëspresidenti amerikan, Mike Pence përshëndeti sot përparimin me të vërtetë të jashtëzakonshëm të SHBA-së përsa i përket pandemisë, duke ia atribuar rritjen e rasteve të reja shtimit të numrit të testimeve, sipas “The Guardian”.

“Realiteti është se ne jemi në një vend shumë më të mirë nga sa ishim dy muaj më parë”, tha Pence, duke theksuar se aftësia spitalore mbetet e fortë dhe shumë e disponueshme.

“Është pothuajse e padiskutueshme që më shumë testime të gjenerojnë më shumë raste”, shtoi ai.

Sidoqoftë, ekspertët e Shëndetit Publik vlerësojnë se rritja e numrit të rasteve të infektimit vjen nga rihapja e shteteve dhe ngaqë amerikanët po lehtësojnë praktikat e distancimit shoqëror.

Shfaq komentet
comments powered by Disqus
Sot mund të lexoni Shfletoni kopertinat