Trump: SHBA së shpejti me vaksinë kundër COVID-19 - Bota Sot
Trump: SHBA së shpejti me vaksinë kundër COVID-19

Amerika

Trump: SHBA së shpejti me vaksinë kundër COVID-19

Më: 2 korrik 2020 Në ora: 23:31
Donald Trump

Presidenti i Shteteve të Bashkuara, Donald Trump, shprehu optimizmin e tij se SHBA-ja do të dalë së shpejti me një vaksinë kundër coronavirusit, duke thënë se tre kërkues të tyre “duken vërtet, vërtet mirë”.“Mendojmë se do ta kemi shpejt”.

Ky deklarim i tij vjen në kohën kur numri i të infektuarve me coronavirus brenda një dite në SHBA ka kaluar 50,000 për herë të parë.Kjo duket se ka ndryshuar edhe qëndrimin e presidentit Trump, në lidhje me maskat mbrojtëse.

“Mendoj se maskat janë të mira”, tha Trump për Fox Business.“Njerëzit më kanë parë me maskë”, shtoi ai.

Trump është kritikuar për mos mbajtjen e maskës, por, me rritjen e numrit të rasteve në ditët e fundit, ai tha: “Nëse do të isha në një situatë të ngushtë me njerëz, unë do të vendosja absolutisht”.

Shtetet e Bashkuara kanë numrin më të madh të të infektuarve dhe viktimave me coronavirus: mbi 2.7 milionë, përkatësisht mbi 128,000.Sipas të dhënave të Universitetit Johns Hopkins, në gjithë botën janë infektuar mbi 10.7 milionë njerëz.

Prej tyre, mbi 517,000 kanë vdekur dhe mbi 5.5 milionë janë shëruar.Javën e kaluar, kreu i Organizatës Botërore të Shëndetësisë, Tedros Adhanom Ghebreyesus, ka thënë se nuk ka garanci se shkencëtarët do të mund të zbulojnë një vaksinë efektive kundër Covid-19, sëmundjes që e shkakton coronavirusi.

Shfaq komentet
comments powered by Disqus
Sot mund të lexoni Shfletoni kopertinat