SHBA-ja konfiskon monedha digjitale në vlerë të miliona dollarëve nga organizatat terroriste - Bota Sot
SHBA-ja konfiskon monedha digjitale në vlerë të miliona dollarëve nga organizatat terroriste

Amerika

SHBA-ja konfiskon monedha digjitale në vlerë të miliona dollarëve nga organizatat terroriste

Më: 13 gusht 2020 Në ora: 22:40
Foto ilustrim

Departamenti amerikan i Drejtësisë ka konfiskuar monedha digjitale, si bitcoin dhe disa tjera në vlerë të miliona dollarëve, të cilat janë shfrytëzuar nga organizata terroriste si Al-Kaida, Shteti Islamik dhe Hamas, për të krijuar fonde për misionet e tyre.

Ky Departament ka thënë më 13 gusht se ky operacion përbën konfiskimin më të madh të monedhave digjitale të lidhura me terrorizim nga ana e qeverisë amerikane.

Hetuesit kanë konfiskuar rreth 2 milionë dollarë të valutave digjitale në më shumë se 300 llogari të këtij lloji, në katër faqe interneti dhe katër llogari në rrjetin social, Facebook, kanë thënë autoritetet.

Monedhat digjitale si bitcoin janë të dizajnuara për t’u verifikuar vështirë, andaj pëlqehen për transaksione të paligjshme.

Departamenti i Drejtësisë në Shtetet e Bashkuara ka thënë se një prej grupeve ka nxitur donacione përmes kësaj mënyre, duke u thënë donatorëve se veprimet e tyre nuk mund të gjurmohen.

“Këto veprime tregojnë se zyrtarët për zbatim të ligjit janë një hap para tyre”, ka thënë John Demers, asistent i Prokurorit të Përgjithshëm, përmes një konference telefonike.

Sot mund të lexoni Shfletoni kopertinat