Presidenti Donald Trump tha të hënën se ishte zemëruar me republikanët në Uashington, sepse nuk bënë aq sa duhet për pretendimet në lidhje me ish-zyrtarët e administratës Obama dhe Biden.
‘’A ndodhi ndonjë gjë? Asgjë nuk ndodhi’’, tha Trump në një ngjarje në Dayton, Ohio. “Unë jam aq i zemëruar me republikanët. Unë jam. Jam shumë i zemëruar.’’
Për muaj me radhë, Trump është përpjekur të nxisë hetime gjithëpërfshirëse ndaj ish-Presidentit Barack Obama dhe ish-Zëvendës Presidentit Joe Biden rreth akuzave të paprovuara në lidhje me mbikëqyrjen e bashkëpunëtorëve të fushatës Trump nga FBI që presidenti i ka quajtur “Obamagate”.
Këto thirrje ishin kryesisht të pa vërejtura nga republikanët që kontrollojnë Senatin deri kohët e fundit, kur Komiteti i Sigurisë së Brendshme dhe Çështjeve Qeveritare të Senatit votoi për të autorizuar më shumë se tre duzina thirrjesh dhe deponimesh për të detyruar dëshmitë nga ish-Drejtori i FBI-së James Comey dhe të tjerë.
Trump sulmoi Comey, një shënjestër e shpeshtë, duke e akuzuar atë për “tradhti”.
“Ata spiunuan fushatën time dhe ne i kapëm”, tha Trump në Dejton gjatë një ngjarjeje. “Le të shohim tani se çfarë do të ndodhë.”
