WASHINGTON DC: (26 Tetor 2030) Senati me votat e Republikanve konfirmoi gjyqtaren Amy Coney Barrett në Gjykatën e Lartë të hënën, duke i siguruar Presidentit Trump një fitore politike në minutën e fundit vetëm disa ditë para 3 nëntorit.
Vota e Senatit 52-48 mbi emërimin e Barrett mbylli një luftë të rrallë zgjedhore presidenciale të Gjykatës Supreme të shkaktuar nga vdekja e Gjykatses Ruth Bader Ginsburg më 18 Shtator.
Senatoria GOP Susan Collins (R-Maine) ishte e vetmja Republikane që kundërshtoi Barrett , duke thënë se ajo nuk beson se një emërim i till politik duhet të dilte përpara zgjedhjeve.
Kush është Amy Coney Barret?
Pasi u diplomua nga Shkolla e Drejtësisë e Universitetit Notre Dame në Indiana, Barrett punoi si nëpunëse për gjyqtarin e ndjerë Antonin Scalia. Në vitin 2017, ajo u emërua nga Trump në Gjykatën e 7-të të Rrethit të Apelit me qendër në Çikago.
Ajo përshkruhet si një katolike e devotshme e cila, sipas një artikulli të vitit 2013, tha se “jeta fillon me ngjizjen”. Ky qëndrim lidhur me abortin, e bën atë të preferuar midis konservatorëve fetarë të etur për të anuluar vendimin e Gjykatës së Lartë të vitit 1973, që legalizoi abortin në të gjithë vendin.
Por grupet LGBT e kanë kritikuar anëtarësimin e saj në një grup konservator katolik, Njerëzit e Lavdërimit, një rrjet shkollash që japin udhëzime që shprehin një besim se marrëdhëniet seksuale duhet të ndodhin vetëm midis çifteve të martuara heteroseksuale.
Gjykatësja Barrett ka vendosur në favor të politikave të ashpra të imigracionit të Presidentit Trump dhe ka shprehur pikëpamje në favor të zgjerimit të të drejtave të mbajtjes së armëve.
Konservatorët shpresojnë se ajo do të vendosë kundër skemës së sigurimeve shëndetësore të prezantuar nga ish-presidenti Barack Obama.
Gjyqtarja Barrett të shtunën tha se vendimet e saj si një gjykatëse e Gjykatës së Lartë do të bazoheshin vetëm në ligj.
“Gjyqtarët nuk janë politikëbërës dhe ata duhet të jenë të vendosur për të lënë mënjanë çdo pikëpamje politike që ata mund të mbajnë”– tha ajo.
Nënë e 7 fëmijëve
Barrett është nënë e 7 fëmijëve. Pas nominimit nga Trump, ajo gjeti kohën për të prezantuar dhe burrin dhe shtatë fëmijët e saj, të cilët ishin të ulur në audiencë.
Ajo bëri shaka duke thënë: “Siç ndodh, jam mësuar të jem në një grup prej nëntë vetësh: familja ime”.
Ajo shpjegoi: “Familja jonë më përfshin mua; burrin tim, Xhesin; Emën; Vivian; Tess; Gjon Pjetrin; Liamin; Xhulietën dhe Benjaminin”.
Barret dhe i shoqi kanë pesë biologjikë dhe dy të birësuar nga Haiti. Djali i vogël biologjik i saj, Benjamini, ka lindur me Sindromën Down dhe për këtë arsye ka nevojë për më shumë kujdes se fëmijët e tjerë.
