Të burgosurit në Kaliforni, përfshirë vrasësit serial të dënuar me vdekje, kanë marrë qindar miliona dollarë gjatë një skeme financimi të lidhur me pandeminë e coronavirusit.
Prokurorët e quajtën këtë si shfrytëzimin më të madh të fondeve publike të kryer ndonjëherë në historinë e shtetit të Kalifornisë, ndërsa dokumentonin se si pretendimet e paligjshme të papunësisë të bëra në emër të të burgosurve kishin çuar tashmë në pagesën e qindar milionë dollarëve në emër të tyre.
Hetuesit, të alrmuar nga pretendimet e paligjshme të të burgosurve për të marrë fonde nga ndihmat e leshuara nga shteti gjatë pandemisë, zbuluan se ishin bërë mijëra të tilla.
“Qindra miliona dollar, kjo shifër mund të jetë mbi një milliard dollar, janë paguar tashmë. Kjo është një nga përdorimet më të gabuara të fondeve publike në historinë e vendit tonë”, tha Schubert, avokate.
Shifra prej 140 milionë dollarësh i është paguar 20,000 të burgosurve, por shifra reale mund të jetë shumë më e lartë.
Më shumë se 420 mijë dollar u janë paguar 130 të dënuarve me vdekje, përfshirë edhe vrasësit serial Wayne Ford.
Scott Peterson, i dënuar për vrasjen e gruas së tij, gjithashtu përfitoi nga këto fonde.
“Të burgosurit po qeshin me ne”, tha Schubert.
Shumica e aplikimeve kishin përdorur emrat e vërtetë të të burgosurve, adresat e tyre dhe numrat e sigurimeve për të përfituar nga plani financiar i papunësisë nga pandemia.
Të burgosurit arritën të mashtronin shtetin sepse Kalifornia, ndryshe nga shtetet e tjera në SHBA nuk kishte ndarë nga lista e të papunëve emrat e të burgosurve.
“Hetimi i javëve të fundit zbuloi se kemi paguar përdhunues, abuzues të fëmijëve, trafikues njerëzish dhe shumë kriminelë të tjerë të dënuar në burgjet tona.
Guvernatori e quajti këtë si “të papranueshme” dhe kërkoi zgjidhjen e këtij problemi sa më shpejtë të jetë e mundur.
