Pak ditë ma parë vaksina e kompanisë Moderna u bë vaksina e dytë, e cila mori miratimin nga autoritetet amerikane që të nis vaksinimin emergjent në të gjitha shtetet.
Një javë më parë administrata e barnave autorizoi edhe vaksinën e Pfizer, e cila tashmë ka nisur të injektohet kryesisht tek grupet më vulnerabël, stafi mjekësor dhe të moshuarit.
Ashtu si vaksina e Pfizer, Moderna duket se është rreth 94% efektive, në parandalimin e infeksioneve simptomatike të SARS-CoV-2. Profili i tij i sigurisë është gjithashtu i ngjashëm me atë të Pfizer, me lodhje, dhembje koke dhe dhembje në vendin e injektimit ndër efektet anësore më të përmendura deri më tani.
Qeveria amerikane planifikon të shpërndajë brenda javës 5.9 milionë vaksina Moderna dhe 2 milion vaksina Pfizer.
Pak ditë më parë ishte zvpresidenti Mike Pence ai, i cili u njektua publikisht me vaksinën anti-COVID-19, ndërsa sot pritet që të injektohet publikisht edhe presidenti i zgjedhur, Joe Biden.
E ndërsa SHBA miratoi vaksinën e dytë Evropa duke më e ngadaltë në marrjen e këtij hapi, pikërisht sot pritet të mblidhen ekspertët e agjencisë evropiane të barnave për të diskutuar nëse vaksina e Pfizer do të miratohet e të nis vaksinimi në 27 dhjetor sikundër kanë bërë me dije shumë shtetet evropiane të cilat janë shprehur se janë gati të nisin procesin e vaksinimit.
