Një aeroplan i vogël u rrëzua të dielën në jug të Virxhinias Perëndimore, duke vrarë tre banorë të Virxhinias që ishin në bord, thanë autoritetet.
Sipas mediave të huaja, Beechcraft C23 me një motor u rrëzua pasi u ngrit nga Aeroporti Fayette në Fayetteville rreth orës 11 të paradites, tha Administrata Federale e Aviacionit në një deklaratë.
Autoritetet thanë se rrënojat u gjetën pranë një hambari në bashkësinë rurale të Lansing, rreth 80 kilometra në juglindje të Charleston.
Ndërkohë që trupat u gjetën brenda aeroplanit.
Policia e shtetit identifikoi viktimat si Nick Fletcher, 38 vjeç; Michael Taphouse, 36 vjeç; dhe Wesley Farley, 39. Të gjithë ishin nga zona Chesapeake, Virxhinia.
FAA dhe Bordi Kombëtar i Sigurisë së Transportit janë duke hetuar shkaqet e aksidentit.
